अयोध्येत भव्य श्रीराम जन्मोत्सव; भाविकांसाठी महाप्रसादाचे आयोजन
अयोध्येत भव्य श्रीराम जन्मोत्सव; भाविकांसाठी महाप्रसादाचे आयोजन
प्रतिवर्षाप्रमाणे यंदाही उत्साहात साजरा होणार रामजन्मदिन; बालाजी मंदिरात दु. १२ ते ५ महाप्रसादाचा लाभ घेण्याचे आवाहन
सुर्यकांत जगताप
किल्ले धारूर :- अयोध्येतील नव्याने उभारलेल्या भव्य श्रीराम मंदिरात यावर्षीचा श्रीराम जन्मोत्सव मोठ्या उत्साहात साजरा होणार आहे. प्रतिवर्षाप्रमाणे यावर्षी देखील रामनवमीच्या निमित्ताने विविध धार्मिक कार्यक्रमांचे आयोजन करण्यात आले आहे. यानिमित्ताने भाविकांसाठी विशेष महाप्रसादाचे आयोजन करण्यात आले असल्याची माहिती आयोजकांनी दिली आहे.
दिनांक ०६/०४/२०२५ रोजी दुपारी १२ ते सायंकाळी ५ या वेळेत बालाजी मंदिर, कटघरपुरा, धारूर येथे हा महाप्रसाद आयोजित करण्यात आला आहे. सर्व रामभक्तांनी या महाप्रसादाचा लाभ घ्यावा, असे नम्र आवाहन आयोजकांनी केले आहे.
श्रीराम जन्मभूमी येथे भव्य मंदिर उभारल्यानंतर हा पहिलाच मोठा श्रीराम जन्मोत्सव असल्याने भाविकांमध्ये प्रचंड उत्साह दिसून येत आहे. देशभरातून रामभक्त अयोध्येत दाखल होण्याची शक्यता आहे. याच पार्श्वभूमीवर, बालाजी मंदिराच्या वतीने आयोजित करण्यात आलेला हा महाप्रसाद भाविकांसाठी एक पर्वणी ठरणार आहे.
आयोजकांच्या वतीने प्रमोदकुमार शरदकुमार तिवारी (बाप्पू), दुष्यंत प्रमोदकुमार तिवारी, अमरजीत प्रमोदकुमार तिवारी आणि प्रद्युम्न दुष्यंत तिवारी यांनी या कार्यक्रमाचे आयोजन केले आहे. त्यांनी सर्व रामभक्तांना या सोहळ्यामध्ये सहभागी होण्याचे आग्रहाचे निमंत्रण दिले आहे.
