आमदार प्रकाश सोळंकेंच्या हस्ते ग्रामीण रुग्णालयात भव्य मोफत शस्त्रक्रिया शिबिराचे उद्घाटन; डॉ. राऊत यांची प्रमुख उपस्थिती

आमदार प्रकाश सोळंकेंच्या हस्ते ग्रामीण रुग्णालयात भव्य मोफत शस्त्रक्रिया शिबिराचे उद्घाटन; डॉ. राऊत यांची प्रमुख उपस्थिती


 धारूरमध्ये गरीब व गरजू रुग्णांना मिळणार मोठा आधार;  नोंदणीला सुरुवात

सुर्यकांत जगताप

धारूर, दि. ५ मे २०२५: धारूर तालुक्यातील ग्रामीण भागातील रुग्णांसाठी उद्या, दिनांक ६ मे २०२५ रोजी ग्रामीण रुग्णालयात एका महत्त्वपूर्ण आरोग्य उपक्रमाचे आयोजन करण्यात आले आहे. रुग्णालयाच्या वतीने सकाळी १०:३० वाजता भव्य बिनटाका कुटुंब कल्याण व सामान्य शस्त्रक्रिया शिबिराचे आयोजन करण्यात आले असून, याचे उद्घाटन लोकप्रिय आमदार, सन्माननीय नामदार श्री. प्रकाशदादा सोळंके यांच्या शुभहस्ते होणार आहे.
या सामाजिक बांधिलकीतून साकारलेल्या उपक्रमामुळे गरीब आणि आर्थिकदृष्ट्या दुर्बळ रुग्णांना मोठा आधार मिळणार आहे. या शिबिरामध्ये पुरुष व महिलांसाठी कुटुंब कल्याण शस्त्रक्रिया, शरीरावरील गाठी काढणे, हर्निया, अपेंडिक्स आणि इतर लहान स्वरूपाच्या शस्त्रक्रिया बिनटाक्याच्या पद्धतीने पूर्णपणे मोफत केल्या जाणार आहेत. शस्त्रक्रियेसाठी आवश्यक तपासण्या, औषधे आणि रुग्णालयातील निवास यासह सर्व सुविधा रुग्णांना विनामूल्य पुरविल्या जाणार आहेत.
या शिबिरासाठी इच्छुक रुग्णांना आज, ५ मे २०२५ रोजी पूर्वनोंदणी करणे अनिवार्य आहे. नोंदणीच्या वेळी रुग्णांची रक्त, लघवी व इतर आवश्यक तपासण्या केल्या जातील.
या कार्यक्रमाला बीड जिल्ह्याचे आदरणीय जिल्हा शल्यचिकित्सक डॉ. राऊत साहेब प्रमुख पाहुणे म्हणून उपस्थित राहणार असून ते रुग्णांना मार्गदर्शन करणार आहेत. त्यांच्यासोबत जिल्हा आरोग्य अधिकारी डॉ. गंडाळ साहेब आणि आरोग्य विभागाचे इतर अधिकारी व तज्ञ डॉक्टर देखील उपस्थित राहतील.
ग्रामीण भागातील नागरिकांना वेळेवर आणि योग्य वैद्यकीय उपचार मिळावेत, यासाठी शासन आणि आरोग्य विभाग नेहमीच प्रयत्नशील असतात. धारूर ग्रामीण रुग्णालयाचा हा उपक्रम याच प्रयत्नांचा एक भाग आहे, असे मत आमदार प्रकाश सोळंखे यांनी व्यक्त केले.
या महत्त्वपूर्ण उपक्रमाचे आयोजन प्रभारी वैद्यकीय अधीक्षक डॉ. अनिल परदेशी आणि तालुका आरोग्य अधिकारी डॉ. शहाजी लोमटे यांच्या मार्गदर्शनाखाली करण्यात आले आहे. त्यांनी जास्तीत जास्त गरजूंनी या संधीचा लाभ घेण्याचे आवाहन केले आहे.
नोंदणीसाठी संपर्क: डॉ. परवेज शेख – ९८९०८९००२४

Comments

Post a Comment

Popular posts from this blog

धारूर न्यायालय परिसरात हाणामारी; पत्रकारावर हल्ला, न्यायालयात खळबळ

Image
  धारूर न्यायालय परिसरात हाणामारी; पत्रकारावर हल्ला, न्यायालयात खळबळ  न्यायालयाच्या आवारात दोन गटांत तुंबळ हाणामारी, पत्रकार जखमी; सोशल मीडियावर व्हिडिओ व्हायरल,  सुर्यकांत जगताप किल्ले धारूर: १० मार्च रोजी किल्ले धारूर न्यायालयाच्या आवारात दोन गटांमध्ये तुंबळ हाणामारी झाली. या घटनेत पत्रकार शहाबाद पठाण यांच्यावर हल्ला झाला असून, ते गंभीर जखमी झाले आहेत. न्यायालयाच्या आवारात झालेल्या या हाणामारीमुळे परिसरात खळबळ उडाली आहे. मिळालेल्या माहितीनुसार, न्यायालयात एका खटल्याच्या सुनावणीसाठी दोन गट आले होते. यावेळी त्यांच्यात वाद झाला आणि त्याचे रूपांतर हाणामारीत झाले. पत्रकार शहाबाद पठाण हे घटनेचे चित्रीकरण करत होते, म्हणून त्यांच्यावर हल्ला करण्यात आला. त्यांना गंभीर दुखापत झाली असून, ग्रामीण रुग्णालयात प्राथमिक उपचार करून पुढील उपचारासाठी आंबेजोगाई येथे पाठवण्यात आले आहे. न्यायालयाच्या स्थापनेपासून प्रथमच आवारात हाणामारीची घटना घडली आहे. या घटनेचे चित्रीकरण सोशल मीडियावर व्हायरल झाले आहे. युट्युब वर बातमीचा संदर्भ: युट्युब वरील बातम्यांच्या माध्यमातून या घटनेची माह...
Read more

अतिक्रमण हटवण्यावरून व्यापारी आणि नगरपरिषदेत मतभेद; रस्ता दुरुस्तीचे काम रखडण्याची शक्यता

Image
अतिक्रमण हटवण्यावरून व्यापारी आणि नगरपरिषदेत मतभेद; रस्ता दुरुस्तीचे काम रखडण्याची शक्यता सुर्यकांत जगताप किल्ले धारूर शहरातील मेन रोडची दुरुस्ती करण्याची मागणी व्यापारी अनेक दिवसांपासून करत होते. धुळीमुळे त्यांना त्रास होत होता. अखेर, नगरपरिषदेने रस्ता दुरुस्तीचे काम हाती घेतले आहे. त्यासाठी निधीही मंजूर झाला आहे. परंतु, रस्ता दुरुस्तीपूर्वी रस्त्याच्या कडेला असलेले अतिक्रमण हटवणे आवश्यक आहे. नगरपरिषदेने व्यापाऱ्यांना अतिक्रमण हटवण्याची नोटीस बजावली आहे. त्यानुसार काही व्यापाऱ्यांनी अतिक्रमण हटवले आहे. मात्र, काही व्यापारी संभ्रमात आहेत. त्यांना नेमके किती अतिक्रमण हटवायचे आहे, याची माहिती नाही. त्यामुळे काही व्यापाऱ्यांनी नगरपरिषदेकडे रस्त्याची हद्द निश्चित करण्याची मागणी केली आहे. हद्द निश्चित झाल्यानंतर अतिक्रमण हटवण्यास मदत होईल, असे त्यांचे म्हणणे आहे. या वादामुळे रस्ता दुरुस्तीचे काम रखडण्याची शक्यता आहे. व्यापारी आणि नगरपरिषद यांच्यात लवकरच तोडगा निघाला नाही, तर रस्ता दुरुस्तीचे काम लांबणीवर पडू शकते.
Read more

श्रीकृष्ण इंग्लिश स्कूलची सयाजीराजे पार्कमध्ये धमाल सहल!

Image
श्रीकृष्ण इंग्लिश स्कूलची सयाजीराजे पार्कमध्ये धमाल सहल! बोटिंग, स्विमिंग आणि ऐतिहासिक राहुटीचा अनुभव सुर्यकांत जगताप किल्ले धारूर, अकलूज येथे श्रीकृष्ण इंग्लिश स्कूलच्या विद्यार्थ्यांनी 1 मार्च रोजी सयाजीराजे पार्क, अकलूज येथे शैक्षणिक सहलीचा आनंद लुटला. सकाळी 10:30 वाजता विद्यार्थ्यांना रुचकर अल्पोपहार देण्यात आला. त्यानंतर विद्यार्थ्यांनी पाण्यातील बोटिंगचा आनंद घेतला. विद्यार्थ्यांना बोट कशी चालवतात याची माहिती देण्यात आली आणि त्यांनी प्रत्यक्ष बोट चालवण्याचा अनुभव घेतला. स्विमिंग पूलमध्ये विद्यार्थ्यांनी मनसोक्त पोहण्याचा आनंद घेतला. कारंजे, पाण्याच्या घसरगुंड्या आणि झोपाळ्यांवर विद्यार्थ्यांनी धमाल केली. दुपारच्या सत्रात विद्यार्थ्यांनी जुन्या काळातील राहुटी आणि त्यांचे सामाजिक जीवन कसे होते याचा अनुभव घेतला. तसेच सारस पक्षी आणि बदकांचे विविध प्रकार पाहिले. आगगाडीतून प्रवास आणि विविध झोपाळ्यांवर खेळण्याचा आनंद घेतला. शाळेचे संचालक श्री. बाळासाहेब राठोड यांनी विद्यार्थ्यांच्या प्रत्येक गोष्टीवर लक्ष ठेवले. शिक्षक, शिक्षिका, चालक आणि सेवक यांनीही सहकार्य केले. श...
Read more