गांजपूरमध्ये महिला दिन उत्साहात साजरा; सरपंच डापकर यांच्या उपक्रमांना महिलांचा उत्स्फूर्त प्रतिसाद


गांजपूरमध्ये महिला दिन उत्साहात साजरा; सरपंच डापकर यांच्या उपक्रमांना महिलांचा उत्स्फूर्त प्रतिसाद

बालविवाहविरोधी शपथ, गुणवंत माता-विद्यार्थिनींचा सत्कार, विविध मनोरंजक कार्यक्रमांची रेलचेल

सुर्यकांत जगताप

किल्ले धारूर : गांजपूरमध्ये गेल्या दोन वर्षांत प्रथमच सरपंच बाळासाहेब डापकर यांच्या पुढाकाराने महिला दिन विविध उपक्रमांनी उत्साहात साजरा करण्यात आला. ८ मार्च रोजी ग्रामपंचायत कार्यालयात झालेल्या या कार्यक्रमाला महिलांचा उत्स्फूर्त प्रतिसाद मिळाला.

कार्यक्रमाची सुरुवात जिजाऊ आणि सावित्रीबाई फुले यांच्या प्रतिमा पूजनाने झाली. जिल्हा परिषद शाळेतील शिक्षिका दराडे सर आणि जाधव मॅडम यांनी सूत्रसंचालन केले. आपल्या मुलांना उत्तम शिक्षण देणाऱ्या मातांचा आणि उच्च शिक्षण घेणाऱ्या मुलींचा यावेळी सत्कार करण्यात आला.

सरपंच बाळासाहेब डापकर यांनी बालविवाहाबाबत माहिती देऊन, १८ वर्षांखालील मुली आणि २१ वर्षांखालील मुलांचे विवाह कायद्याने गुन्हा असल्याचे सांगितले. गावात कोणी बालविवाह करत असल्यास १०९८ या क्रमांकावर संपर्क साधण्याचे आवाहन त्यांनी केले. उपस्थितांनी बालविवाह न करण्याची सामूहिक शपथ घेतली.

सरपंच डापकर यांनी जिल्हा परिषद शाळेचे महत्त्व सांगून ती कशी जपावी, याबद्दल मार्गदर्शन केले. ग्रामपंचायत अधिकारी विशाल सोनवणे यांनी पर्यावरण आणि स्वच्छता या विषयांवर महिलांना मार्गदर्शन केले.

महिलांसाठी उखाणे आणि संगीत खुर्ची यांसारख्या मनोरंजक कार्यक्रमांचे आयोजन करण्यात आले होते. विजेत्या महिलांना बक्षिसे देण्यात आली.

या कार्यक्रमाला गावातील महिला मोठ्या संख्येने उपस्थित होत्या.


Comments

Post a Comment

Popular posts from this blog

धारूर न्यायालय परिसरात हाणामारी; पत्रकारावर हल्ला, न्यायालयात खळबळ

Image
  धारूर न्यायालय परिसरात हाणामारी; पत्रकारावर हल्ला, न्यायालयात खळबळ  न्यायालयाच्या आवारात दोन गटांत तुंबळ हाणामारी, पत्रकार जखमी; सोशल मीडियावर व्हिडिओ व्हायरल,  सुर्यकांत जगताप किल्ले धारूर: १० मार्च रोजी किल्ले धारूर न्यायालयाच्या आवारात दोन गटांमध्ये तुंबळ हाणामारी झाली. या घटनेत पत्रकार शहाबाद पठाण यांच्यावर हल्ला झाला असून, ते गंभीर जखमी झाले आहेत. न्यायालयाच्या आवारात झालेल्या या हाणामारीमुळे परिसरात खळबळ उडाली आहे. मिळालेल्या माहितीनुसार, न्यायालयात एका खटल्याच्या सुनावणीसाठी दोन गट आले होते. यावेळी त्यांच्यात वाद झाला आणि त्याचे रूपांतर हाणामारीत झाले. पत्रकार शहाबाद पठाण हे घटनेचे चित्रीकरण करत होते, म्हणून त्यांच्यावर हल्ला करण्यात आला. त्यांना गंभीर दुखापत झाली असून, ग्रामीण रुग्णालयात प्राथमिक उपचार करून पुढील उपचारासाठी आंबेजोगाई येथे पाठवण्यात आले आहे. न्यायालयाच्या स्थापनेपासून प्रथमच आवारात हाणामारीची घटना घडली आहे. या घटनेचे चित्रीकरण सोशल मीडियावर व्हायरल झाले आहे. युट्युब वर बातमीचा संदर्भ: युट्युब वरील बातम्यांच्या माध्यमातून या घटनेची माह...
Read more

अतिक्रमण हटवण्यावरून व्यापारी आणि नगरपरिषदेत मतभेद; रस्ता दुरुस्तीचे काम रखडण्याची शक्यता

Image
अतिक्रमण हटवण्यावरून व्यापारी आणि नगरपरिषदेत मतभेद; रस्ता दुरुस्तीचे काम रखडण्याची शक्यता सुर्यकांत जगताप किल्ले धारूर शहरातील मेन रोडची दुरुस्ती करण्याची मागणी व्यापारी अनेक दिवसांपासून करत होते. धुळीमुळे त्यांना त्रास होत होता. अखेर, नगरपरिषदेने रस्ता दुरुस्तीचे काम हाती घेतले आहे. त्यासाठी निधीही मंजूर झाला आहे. परंतु, रस्ता दुरुस्तीपूर्वी रस्त्याच्या कडेला असलेले अतिक्रमण हटवणे आवश्यक आहे. नगरपरिषदेने व्यापाऱ्यांना अतिक्रमण हटवण्याची नोटीस बजावली आहे. त्यानुसार काही व्यापाऱ्यांनी अतिक्रमण हटवले आहे. मात्र, काही व्यापारी संभ्रमात आहेत. त्यांना नेमके किती अतिक्रमण हटवायचे आहे, याची माहिती नाही. त्यामुळे काही व्यापाऱ्यांनी नगरपरिषदेकडे रस्त्याची हद्द निश्चित करण्याची मागणी केली आहे. हद्द निश्चित झाल्यानंतर अतिक्रमण हटवण्यास मदत होईल, असे त्यांचे म्हणणे आहे. या वादामुळे रस्ता दुरुस्तीचे काम रखडण्याची शक्यता आहे. व्यापारी आणि नगरपरिषद यांच्यात लवकरच तोडगा निघाला नाही, तर रस्ता दुरुस्तीचे काम लांबणीवर पडू शकते.
Read more

श्रीकृष्ण इंग्लिश स्कूलची सयाजीराजे पार्कमध्ये धमाल सहल!

Image
श्रीकृष्ण इंग्लिश स्कूलची सयाजीराजे पार्कमध्ये धमाल सहल! बोटिंग, स्विमिंग आणि ऐतिहासिक राहुटीचा अनुभव सुर्यकांत जगताप किल्ले धारूर, अकलूज येथे श्रीकृष्ण इंग्लिश स्कूलच्या विद्यार्थ्यांनी 1 मार्च रोजी सयाजीराजे पार्क, अकलूज येथे शैक्षणिक सहलीचा आनंद लुटला. सकाळी 10:30 वाजता विद्यार्थ्यांना रुचकर अल्पोपहार देण्यात आला. त्यानंतर विद्यार्थ्यांनी पाण्यातील बोटिंगचा आनंद घेतला. विद्यार्थ्यांना बोट कशी चालवतात याची माहिती देण्यात आली आणि त्यांनी प्रत्यक्ष बोट चालवण्याचा अनुभव घेतला. स्विमिंग पूलमध्ये विद्यार्थ्यांनी मनसोक्त पोहण्याचा आनंद घेतला. कारंजे, पाण्याच्या घसरगुंड्या आणि झोपाळ्यांवर विद्यार्थ्यांनी धमाल केली. दुपारच्या सत्रात विद्यार्थ्यांनी जुन्या काळातील राहुटी आणि त्यांचे सामाजिक जीवन कसे होते याचा अनुभव घेतला. तसेच सारस पक्षी आणि बदकांचे विविध प्रकार पाहिले. आगगाडीतून प्रवास आणि विविध झोपाळ्यांवर खेळण्याचा आनंद घेतला. शाळेचे संचालक श्री. बाळासाहेब राठोड यांनी विद्यार्थ्यांच्या प्रत्येक गोष्टीवर लक्ष ठेवले. शिक्षक, शिक्षिका, चालक आणि सेवक यांनीही सहकार्य केले. श...
Read more