रमेश आडसकर यांच्या प्रवेशाने राष्ट्रवादी काँग्रेसला बळ; बीडमध्ये राजकीय समीकरणे बदलणार
रमेश आडसकर यांच्या प्रवेशाने राष्ट्रवादी काँग्रेसला बळ; बीडमध्ये राजकीय समीकरणे बदलणार
सुर्यकांत जगताप
धारूर : महाराष्ट्रातील वजनदार नेतृत्व असलेले रमेश आडसकर यांनी राष्ट्रवादी काँग्रेस पक्षात प्रवेश केल्याने बीड जिल्ह्यातील राजकीय समीकरणे बदलण्यास सुरुवात झाली आहे. मुंबईत अजित पवार यांच्या उपस्थितीत हा पक्षप्रवेश झाला. या प्रवेशामुळे बीड जिल्ह्यात राष्ट्रवादी काँग्रेसला मोठी ताकद मिळाली आहे. अजित पवार राज्याचे उपमुख्यमंत्री आणि बीड जिल्ह्याचे पालकमंत्री असल्याने, त्यांच्या नेतृत्वाखालील राष्ट्रवादी काँग्रेसला जिल्ह्यात मोठे यश मिळेल, असा विश्वास व्यक्त होत आहे.
रमेश आडसकर यांनी केज आणि माजलगाव मतदारसंघात अनेक निवडणुका जिंकल्या आहेत. या मतदारसंघांमध्ये त्यांचे कार्यकर्ते आणि वजनदार समर्थक आहेत. त्यांच्या शैक्षणिक संस्थांमुळे राष्ट्रवादी काँग्रेसला चांगले पाठबळ मिळेल, अशी आशा आहे. आगामी जिल्हा परिषद, पंचायत समिती, ग्रामपंचायत आणि नगरपरिषद निवडणुकांमध्ये त्यांच्या प्रवेशामुळे पक्षाला मोठे यश मिळेल, असा अंदाज राजकीय विश्लेषकांकडून व्यक्त होत आहे.
अजित पवार यांनी बीड जिल्ह्यावर विशेष लक्ष केंद्रित केल्याने, जिल्ह्याच्या सर्वांगीण विकासाला चालना मिळणार आहे. रमेश आडसकर यांच्यावर लवकरच मोठी जबाबदारी सोपवली जाईल, असे बोलले जात आहे. त्यांच्या नेतृत्वाखाली राष्ट्रवादी काँग्रेसला जिल्ह्यात चांगले दिवस येतील, असा विश्वास कार्यकर्ते व्यक्त करत आहेत.
रमेश आडसकर यांच्या प्रवेशामुळे बीड जिल्ह्यात राष्ट्रवादी काँग्रेस क्रमांक एकचा पक्ष बनेल, असे चित्र दिसत आहे. त्यांच्या अनुभवाचा आणि कार्यकर्त्यांच्या पाठिंब्याचा पक्षाला मोठा फायदा होणार आहे. अजित पवार आणि रमेश आडसकर यांच्या एकत्रित प्रयत्नांमुळे राष्ट्रवादी काँग्रेस बीड जिल्ह्यात नवी उंची गाठेल, असा विश्वास कार्यकर्त्यांना आहे.
Comments
Post a Comment